EPK Kalejdoskop Trio
Kalejdoskop Trio er eit prisme av nordisk folkemusikk. Song, shrutibox, klarinett og hardingfele skapar eit sound med rå kjerne og stort rom, der både hjarteskjerande domedagssalmar og feitt låttespel får plass. Debutalbumet deira, Kalejdoskop, slår med full kraft – like rått som sofistikert. Det har mellom anna ført til nominasjon til Årets nykomar på Folk- och Världsmusikgalan, showcase på Nordic Folk Alliance og Live At Heart, samt heidersoppdrag som NRK sine representantar på Euroradio Folk Festival samt Rudolstadt Festival.
Gard Nergaard (hardingfele og bratsj) har både djupe røter i den sørnorske folkemusikken og ei uvanleg breidd som musikar og forteljar. Det monumentale dobbeltalbumet Seint var det om kvelden var ein milepæl – det første verket som presenterte heile feletradisjonen frå Mandalen i Agder i sin heilskap.
Gard er òg aktiv i musikk- og teaterduoen Alvina & Gard, som i 2024 sleppte albumet Tillflykten og turnerer med barneframsyninga Platt Planet.
Sofia Hultqvist Kott (song og shrutibox) har røtene sine i Jämtland og er ein allsidig musikar og komponist som utforskar alle krokar og kantar av den nordiske folkesongen. I 2025 debuterte ho som soloartist på det fleirfaldig prisvinnande plateselskapet Supertraditional Records. EP-en I Norr vart produsert av Sara Parkman og Hampus Norén og gitt ut under artistnamnet Sofia HK.
Albin Myrin (klarinett) frå Karlstad står støtt planta i fleire nordiske folkemusikkstilar, og har mellom anna spesialisert seg på å spela hardingfelemusikk og mikrotonalitet på klarinett. Albin spelar òg i trioen Västanvinden og i folkemusikk-/dansekvintetten VAK. Soloplata hans, 10 Springleikar frå Lom, kom ut i november 2022 på det norske plateselskapet Melovitten..
"”Kalejdoskops sprillans nya album går direkt in i hjärtat och det råder ingen tvivel om att nästa generations folkmusiker är redo att bära vidare traditionen samtidigt som de formar den vidare. Deras fokuserade och ärliga scennärvaro ger publiken en känsla av att tiden stannar upp i en annan hektisk värld.”
– Nominering årtes nykomling, Folk- och världsmusikgalan
”Med norsk och svensk folkmusik som kärna levererar Kalejdoskop Trio ett sofistikerat, njutningsfullt och rikt debutalbum.”
– Ronja Grafström, Lira Musikmagasin
”Dynamiskt - okonstlat, organiskt, effektfullt. Det här är inte billyssning i första hand – det är sitta-i-soffan-och-bli-berörd-på-djupet-lyssning. Kan vara något av det bästa jag hört.”
– Josefina Paulson, riksspelman
Kontakt
SE: +46 73 326 37 37 (Albin Myrin)
NO: +47 406 27 993 (Gard Nergaard)
